Лидерот на српската Партија за слобода и правда, Драган Ѓилас е повреден во тепачка што избила синоќа во Белград откако видел како луѓе лепат плакати против него, соопштија од партијата.

Инаку, низ Белград со денови се појавуваат плакати на кои претставници на опозицијата се претставени како крадци и разбојници. На снимката се гледа дека лицата со кои се судрил Ѓилас стоеле покрај плакат на кој пишувало „Ѓилас крадецот“.

Н1 Србија пишува дека подоцна на Ѓилас му била снимена главата поради помали модринки, а му била повредена и ногата. Членот на партијата Ѓорѓе Алексиќ, според Н1, има повеќе хематоми.

Алексиќ рече дека Ѓилас бил „крвнички клоцан“.

„Легнав преку него, а тие продолжија заедно да не удираат со клоци. На видеото се гледа како луѓето паѓаат од силината на ударот. Тие први нападнаа. Се одбранивме, тоа можете да го видите на видеото“, вели Алексиќ.

Потпретседателката на партијата Мариника Тепиќ објави дека тој и Алексиќ биле удирани со клоци во грбот и задниот дел од главата. Тврди дека нападот го водел Лука Петровиќ, секретарот за инвестиции во градот.

Тепиќ го повика и српскиот претседател Александар Вучиќ: „Бедни кукавици! Преку ден глумиш светец, а ноќе праќаш насилници да кршат глави“, објави таа на Икс.

Текстот (Видео) Лидерот на српската опозиција брутално истепан на улица, заврши во болница: „Крвнички го клоцаа“ е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ