Министерството за здравство на Газа објави уште 32 смртни случаи како резултат на израелските воени операции, со што вкупниот број на загинати лица од 7 октомври наваму се искачи на 34.183 по 200 дена војна, пренесува СНН.
Министерството, како што пренесува американската телевизија, не прави разлика меѓу цивилите и борците. Нејзиниот колега во Рамалах во вторникот рече дека 72 отсто од убиените во Газа се деца, жени и постари лица.
Исто така, објави дека бројот на убиени на окупираниот Западен Брег во изминатите 200 дена достигнал 487, вклучително и 122 деца на возраст под 18 години.
Насилството од страна на израелските доселеници и војници на окупираниот Западен Брег се зголеми за време на израелската војна во Газа.
Владината канцеларија за медиуми во Газа процени дека 7.000 луѓе на територијата се исчезнати.
Се вели дека во изминатите 200 дена биле убиени 14.778 деца – исто како и 9.752 жени. Канцеларијата за медиуми исто така соопшти дека 17.000 деца во Газа изгубиле еден или двајцата родители.
Н. Абдурахмани
