Португалскиот клуб Боависта синоќа направи необичен потег и истовремено ангажираше девет нови играчи.
Најпознато име меѓу нив е Лавин Курзава, поранешен играч на Пари Сен Жермен и Монако и човек кој 14 пати го носеше дресот на француската репрезентација.
Покрај него, клубот од Порто објави дека нови играчи се: голманот Томаш Вацлик, Марко ван Гинкел, Муса Коне, Осман Какај, Витали Листов, Сидоин Фонинг, Стивен Виторија и Гбоје Ариџиби.
По 21 одиграно коло во португалскиот шампионат, Боависта се наоѓа на последното место на табелата со 12 бодови, шест помалку од безбедната зона.
Текстот Боависта во еден ден донесе девет нови играчи е превземен од МАКФАКС.
