Претседателот на САД, Џо Бајден, вчера рече дека сè уште не ги посетил Хаваите поради загриженост дека тоа ќе ги оттргне ресурсите и вниманието од хуманитарниот одговор и вети дека ќе ги посети што е можно поскоро заедно со неговата сопруга Џил.
„Не сакам да пречам. Сум бил во премногу области на катастрофи. Сакам да бидам сигурен дека нема да ги нарушиме тековните напори за закрепнување. Повеќе од 500 федерален персонал за итни случаи досега се испратени да помогнат во напорите за помош, вклучително и 150 специјалисти за пребарување и спасување”, изјави Бајден.
Бројот на загинати во пожарите сега е 101, додека околу 1.300 лица се водат како исчезнати. Жителите на Хаваи се пожалија на брзината на одговорот на федералната влада на катастрофата.
