Рибата е многу поважна за вашата исхрана отколку што мислите. Лосос, туна, ослиќ – без оглед на изборот на риба, еве зошто рибата треба почесто да биде присутна на вашето дневно мени.
Прво и најважно, рибите се полни со омега-3. Џулија Зумпано, диететичар од Институтот за срце и васкуларни заболувања во Кливленд за „The Washington Post“ објасни зошто е добро да се јаде риба.
„Докажано е дека омега-3 мастите го намалуваат згрутчувањето на крвта, што може да предизвика срцев удар или мозочен удар, затоа што спречуваат крвните тромбоцити да станат лепливи… Тие исто така ги намалуваат триглицеридите – маснотии што можат да се акумулираат во артериите – го намалуваат крвниот притисок и воспалението и го зголемуваат нивото на добар холестерол“, вели таа.
Уште подобро, рибата е како супер храна за вашата кожа. Како што вели д-р Мелда Исак, истакнат дерматолог, омега-3 масните киселини ја задржуваат влагата на кожата, а воедно помагаат и да се подобри дебелината на вашата кожа.
Рибата е добра и за вашата коса, особено лососот.
„Лососот е одличен извор на хранливи материи што промовира здрава коса… Омега-3 може да ви помогне да ги хидрирате фоликулите за раст на косата, а протеините и биотинот можат да помогнат во зајакнување на косата и да спречат нејзино кршење“, вели Рима Клајнер.
Рибата дури помага за здравјето на коските. Балансираната исхрана богата со доволно калциум и витамин Д, како што е лососот, е една од најважната храна која го одржува здравјето на коските како што човекот старее.
Но, најважно, рибата е добра за вашиот мозок. Да, јадењето риба всушност може да ве направи и попаметни. Според студијата објавена во „JAMA Network“ умерениот внес на морска храна е добра за невропатологијата на Алцхајмеровата болест. Затоа – јадете риба.
