Во организација на Зоран Заев и Алексис Ципрас, во Атина се одржува Меѓународна конференција за мир и одржлив развој, а по повод 6 години од потпишувањето на Договорот од Преспа.
-Им посакавме добредојде на угледните гости и пријатели на мирот кои дојдоа во Атина за да учествуваат на Меѓународната конференција за мир и одржлив развој и да го чествуваат Договорот од Преспа, шест години по неговото потпишување.
Пораките за добредојде на Венко Филипче и Евангелос Калпадакис, во името на Фондацијата Заев – едно општество за сите и на Институтот Алексис Ципрас потсетија дека лидерите не ги одложуваат и не им ги оставаат проблемите на идните генерации, туку наоѓаат решенија и отвораат нови страници. Договорот од Преспа е жив доказ дека и најтешките спорови можат да се решат кога лидерите го даваат приоритетот на поголемото добро пред сè. Тоа го одбележа историскиот момент кога конфликтот беше трансформиран во соработка со визија за хармонична иднина.
Фондацијата Заев и Институтот Алексис Ципрас се посветени на негувањето на вредностите кои се во основата на Договорот од Преспа со мисија да промовираме мир, да го унапредиме одржливиот раст и да поттикнеме средина каде што се слуша секој глас, порача Заев преку социјалните мрежи.
