Директорот на Пазарниот инспекторат, Стојко Пауновски, се очекува да биде разрешен откако одби да ги прифати 35-те административци кои му припаѓаа со планот на Министерството за политички систем. Неговото разрешување го најави премиерот Заев а причината е зошто Пауновски се спротивставил на премиерот и вицепремиерот Груби во медиумите.
Пауновски последно истакна дека нема да го потпише приемот на 35 административци. Според него, едукативната подготовка на многу од нив не одговара на работата на инспектор и дека нема потреба од административци кои остануваат во канцеларија. Ако премиерот не ме разбира, може да ме разреши“, рече Пауновски за СДК.
Ми даваат 35 лица во Тетово, Гостивар, Кичево и Струга, а таму не ни требаат нови вработувања. Затоа, немаме каде да ги ставиме овие нови вработени, немаме место во канцелариите, тие сепак ќе мора да останат дома. Дел од вработените што ни се дадени го немаат потребното образование и не одговараат на позицијата инспектор. Само 12 се правници и економисти. Нашата работа е на терен, а не во канцеларија. Не ни треба администрација“, изјави Стојко Пауновски, директор на Пазарниот инспекторат.
Овие 35 административци беа распределени на Пазарниот инспекторат со планот на Министерството за политички систем и односи меѓу заедниците за систематизација на административците кои со години земаа плати, а сефдеа дома. Планот опфати вкупно 1349 административци од кои 1192 ја прифатија понудената работа, а 38 одбија и се на списокот за трансфери. Помал број поднесоа оставки, а некои веќе ја достигнаа возраста за пензија.
