Она на што се обврзавме вчера, работиме и денес. Предизборната кампања во годината што ја оставивме зад нас, ја изработивме нашата политичка програма, со која се натпреварувавме и победивме. Важен дел од таа програма е патот Тетово-Призрен, како еден од нашите приоритетни проекти. Денеска со гордост соопштуваме дека работите за овој проект продолжуваат добро, велат од коалицијата „Вреди“.
„Владата на „Вреди“ ја започнува 2025 година со конкретни чекори во изградбата на патот Тетово-Призрен, еден од проектите со најголем приоритет. Новиот пат Тетово-Призрен ќе поврзе два од главните градови на Северна Македонија и Косово, зајакнувајќи ги врските и соработката меѓу двете земји. Со тунел од 6,4 километри, овој проект значително ќе го скрати времето на патување и ќе ја олесни циркулацијата на граѓаните и стоката, давајќи значаен придонес за економскиот и социјалниот развој на регионот.
Покрај подобрувањето на транспортните врски, патот Тетово-Призрен ќе понуди нови можности за развој на туризмот и бизнисот во двете земји, промовирајќи ја соработката и регионалната интеграција“, истакнуваат од коалицијата.
Потврдуваат како што велат, дека 2025 година ќе биде година на големи инфраструктурни проекти.
„Ќе го изградиме Коридорот 8 и Коридорот 10Д. Истовремено со висок интензитет продолжуваат работите на патот Тетово-Призрен“.
„Вреди“, како што наведуваат во соопштението, соодветно се ангажира за подобрување на инфраструктурата во државата бидејќи овој пристап ќе го олесни економскиот напредок и слободното и брзо движење на нашите граѓани.
