Најмалку пет лица загинаа на меѓународниот аеродром во Кабул, каде се собраа илјадници цивили кои сакаат да го напуштат Авганистан, јави Анадолија. Откако талибанците ја презедоа контролата врз Кабул, главниот град на Авганистан, многу граѓани се обидуваат да ја напуштат земјата.

Најмалку пет лица загинаа на аеродромот, каде што голем број луѓе се собраа на пистата, поради што американските војници пукаа во воздух. Се уште не е познато дали жртвите загинале во огнот што го отвориле американските војници или во стампедо.

Луѓето се во паника откако вчера талибанците влегоа во авганистанскиот главен град Кабул и ја презедоа контролата врз претседателската палата и државните институции.

Талибанците ги повикаа граѓаните „да си одат дома“ и порачаа дека цивилите нема да бидат повредени.

 

 

 

ПОВРЗАНИ НАПИСИПОВЕЌЕ ОД АВТОРОТ