Во загребската населба Јарун и во соседните населби се слушна силна експлозија. Жителите ги напуштија своите домови, многумина ја поминаа ноќта на отворено. Тие не се осмелија да се вратат во своите куќи, бидејќи и неколку часа по експлозијаа, никој не можеше да каже што всушност се случило. Во меѓувреме е јасно дека во парк во Јарун се урнало воено беспилотно летало. Ова го потврди и хрватскиот премиер Андреј Пленковиќ на маргините на самитот на ЕУ во Версај.
„Според она што сега го имаме како информација, станува збор за летало од руско производство, не се знае дали е во сопственост на руската или на украинската војска. Се знае дека е дојдено во Хрватска од насока на Унгарија, а во Унгарија од Романија. Знаеме дека летало неколку минути над Хрватска и се урнало во Загреб“, рече Пленковиќ.
