Гувернерката на државата Њујорк, Кети Хочул синоќа прогласи вонредна состојба во државата поради ширење на мајмунски сипаници.
– Прогласувам вонредна состојба во државата за да ги зајакнеме нашите напори во борбата против мајмуните сипаници, напиша Хочул на Твитер.
Таа додаде дека повеќе од еден од четири случаи на мајмунски сипаници во САД се регистрирани во Њујорк, што исто така има непропорционално влијание врз ризичните групи.
Заклучно со 29 јули, државата Њујорк имаше вкупно 1.383 потврдени случаи на мајмунски сипаници, според веб-страницата на Одделот за здравство на градот.
Бразил и Шпанија претходно ги пријавија првите смртни случаи предизвикани од мајмунски сипаници надвор од Африка, а Светската здравствена организација минатата недела прогласи глобална здравствена вонредна состојба поради избувнувањето на епидемијата на мајмунски сипаници.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
