Пратеничката од редовите на СДСМ Бисера Костадиновска-Стојчевска која со скафандер влезе во Собранието во неделата за да гласа, денеска е во зградата на парламентот, но без скафандер и присуствува на 39. седница.
Костадиновска-Стојчевска од ноќеска на полноќ не е веќе во изолација, односно и истече рокот за изолација, па така веќе може да оди на работа.
Нејзиното појавување во Собрание крена многу врева, особено со тоа што со решение за изолација, се појави во неделата со скафандер, за да обезбеди кворум. Исто така во скафандер се појави уште еден пратеник.
