Сегашната војна во Украина би можела да биде „генерациска борба“ која ќе трае до 50 години, предупреди водечки експерт за одбрана.
Украинските градови се под обновено бомбардирање бидејќи рускиот претседател Владимир Путин ја зголеми својата агресија, за која некои експерти тврдат дека е чин на „очај“.
И додека еден поранешен шеф на разузнавачки служби предвиде дека Путин на крајот ќе биде заменет со некој „поекстремен“, професорот Мајкл Кларк, поранешен генерален директор на Кралскиот институт за обединети услуги (RUSI) рече дека војната најверојатно ќе трае многу повеќе од животот на сегашното раководство во Москва.
Кларк за Скај њуз изјави дека актуелната криза во Украина е „втора војна“, по „првата војна“ во 2014 година, кога Русија го анектираше Крим.
Запрашан да предвиди што би можело да се случи во наредните месеци, тој вели:
„Моето чувство е дека следната година ќе има прекин на огнот во кој Украинците ќе бидат подобро поставени и тој прекин на огнот ќе биде нестабилен и ќе се прекине. Ќе има трета војна, а потоа повторно прекин на огнот, па и четврта војна.
„Овде имаме работа со егзистенцијална борба бидејќи рускиот естаблишмент мисли дека Украина нема право да постои и дека нема да го сменат своето мислење на краток рок.
„Ова веројатно ќе биде генерациска борба. Да речеме дека ќе трае 30, 40 или 50 години“.
Кларк додава дека Украинците „може и да вратат своја територија“, но кризата би можела да биде „вечен конфликт“, додавајќи: „[Украина] ќе мора да живее во вооружен мир со сосед десет пати поголем од неа.
„И ако има трета војна, веројатно ќе биде потешка од втората, бидејќи дотогаш и двете страни дополнително ќе се вооружат, така што ова е почеток на сосема нова ера во европската безбедност“.
