По предупредувања веќе подолг период дека и на Македонија и се заканува потенцијално ширење на делта сојот на министерот Венко Филипче му текна дека навистина требало мерки, вели Игор Николов, претседател на Комисијата за здравство на ВМРО-ДПМНЕ.
Како што вели тој, додека Филипче најавува дека допрва ќе се разгледува воведување на мерки, неговата партија предлага 15 мерки за спречување на ширењето на Делта-сојот.
Накратко, ова се мерките:
1. Професионализација на Комисијата за заразни болести;
2. Забрзување на вакцинацијата против Ковид-19;
3. Зголемување на контролата на границите;
4. Достапност на тестирање за Ковид-19;
5. Јасен и прецизен „Бел план” за здравствениот систем при нов бран на Ковид-19;
6. Зголемување на достапноста за рендген и лабораториските анализи за пациенти со Ковид-19;
7. Актуелизирање и обновување на протоколите за третман на Ковид-19;
8. Мапирање на здравствениот персонал;
9. План за пациентите со останати дијагнози;
10. Мапирање на здравствените капацитети;
11. Одредување на болници посветени за Ковид-19;
12. Мапирање на постоечката функционална апаратура;
13. Достапност на соодветен третман за пациенти со Ковид19;
14. Достапност на лична заштитна опрема ;
15. Пост-Ковид центри за пациенти коишто прележале Ковид-19;