Од ноќеска на полноќ горивата со одлука на РКЕ, каде Бислимоски е претседател поскапеа за 1.5 денари, велат од ВМРО-ДПМНЕ.
Како што велат од опозициската партија цената на дизелот во малопродажба е 87.5 денари, а на бензинот 85.5 денари.
-Цените на горивата сега се и над 70% поскапи од пред една ипол година.
Високата цена на горивата не се должи само на растот на цената на светските берзи, туку и на акцизата која владата на СДСМ и ДУИ ја зголеми за 13.13 денари од 2017 до денес.
Да не беше зголемувањето на акцизата од СДСМ и ДУИ, денес дизелот ќе се продаваше по максимум 74.5 денари, а бензинот по 72.5 денари. Но СДСМ и ДУИ решија да ја зголемат акцизата за да има повеќе за матни тендери и трошење на функционерите.
И додека народот плаќа поскапо, власта се луксузира, како Бислимоски на Јадранот, велат од ВМРО-ДПМНЕ.
