На предлог на Министерството за одбрана, Владата ја усвои Информацијата и го донесе Годишниот план за склучување во областа на одбраната и безбедноста со влади на странски држави за 2022 година. Планот содржи 8 проекти кои ќе се реализираат преку склучување на договори за набавка со влади на земји членки на Алијансата.
Согласно Планот за модернизација на Армијата се предвидени набавки на лесни оклопни возила, специјални возила за посебни намени, артилериски системи 105 мм и муниција 105 мм, ПВО систем на многу мали височини, ремонт на транспортни хеликоптери, опрема за извидување и разузнавање, комплет за контрола на здружен оган и лесни оклопни борбени возила за специјални сили.
Од владата велат, дека со наведената опрема ќе се зголеми опременоста на Армијата на Северна Македонија и нејзината интероперабилност со армиите на сојузничките земји.
