Владата наводно планира денеска да ја разреши Ана Петровска од директорската позиција во Државниот инспекторат за животна средина (ДИЖС), објави „360 степени“, повикувајќи се на свои извори.
Она што засега е познато дека Владата денеска во 14 часот ќе одржи седница на чиј дневен ред има и точка – кадровски прашања, но засега нема официјална потврда на оваа шпекулација.
Петровска пак утринава имаше прес конференција, за сработеното во изминатите шест месеци, на која што рече дека додека Владата не донесе таква одлука таа ќе се воздржи од коментари. Таа важи за досега најуспешната директорка на оваа институција.
Јавна тајна е дека Петровска, која за директорка дојде како кадар на ДОМ, е во конфликт со лидерката на партијата, Маја Морачанин, и дека евентуалното разрешување може да се смета за кулминација на внатрепартиските случувања.
