Се стравува дека голем број луѓе загинале откако патничкиот авион на „Американ ерлајнс“ се судрил со хеликоптерот на американската армија „Блекхок“ и се урнал во реката Потомак.
Во патничкиот авион имало 64 патници и членови на екипажот при слетување на националниот аеродром Роналд Реган во Вашингтон. Потоа се судрил со хеликоптер „Сикорски Х-60“, во кој се превезувале три лица.
Спасувачите беа во надеж дека ќе најдат преживеани, додека надежта полека исчезнува за семејствата кои чекаат вести на аеродромот, пренесуваат тамошните медиуми.
Повеќе од 30 тела се извлечени од реката Потомак во изминатите 10 часа, изјавија за NBC Вашингтон извори запознаени со спасувачката операција.
Шефот на пожарникарската и итната медицинска помош во Вашингтон, Џон Донели, потврди дека тие се префрлаат од мисија за спасување во операција за опоравување.
„Не веруваме дека има преживеани во оваа несреќа и извлековме 27 лица од авионот и едно од хеликоптерот“, додава тој.
