Кога се нафатив кон крајот на август, без припреми, со комплетно нов тим, млади играчи, најавив дека до декември ќе бидам тренер на ФК Вардар. Јавна тајна е дека финасиската ситуација не е добра. Преку две години нема редовна плата – клубот е финасиски нестабилен, а во фудбалот нема импровизација. Но и во овие ненормални услови играчите го понесоа товарот, и во моментов се наоѓаме, со оглед на состојбата, на „доброто“ петто место, изјави за „Утрински брифинг“ на „Слободна ТВ“ фудбалскиот тренер Александар Васоски.
-Сега топката е кај Самсоненко. Негов е долгот од 3 милиони евра. Доколку долгот биде подмирен секако некој би се нафатил да го преземе клубот. Самсоненко најави дека до крајот на декември ќе ја реши ситуацијата. Тука и град Скопје треба да се вклучи и да проба да ја изменаџира состојбата, вели Васоски.
Целиот разговор со фудбалскиот тренер Александар Васоски погледнете го во видеото.
