Американскиот претседател Доналд Трамп на јавноста и ја покажа новата „златна карта“ вредна пет милиони долари со сопствен лик, која ќе им овозможи на побогатите мигранти да добијат зелена карта, односно постојан престој во Соединетите Американски Држави.
„За пет милиони долари, ова може да биде ваше“, им рече Трамп на новинарите во претседателскиот авион.
<imgsrc=”” alt=”🚨” class=”wp-smiley”>Update: Trump unveils $5 million ‘gold card’ for rich migrants emblazoned with his image!! <imgsrc=”” alt=”🇺🇸” class=”wp-smiley”><imgsrc=”” alt=”🇺🇸” class=”wp-smiley”><imgsrc=”” alt=”🇺🇸” class=”wp-smiley”>pic.twitter.com/B53Lf0igf9
— US Homeland Security News (@defense_civil25) April 3, 2025
„Знаете ли што е оваа картичка? Тоа е златна карта, картата на Трамп“, додаде американскиот претседател.
Трамп изјавил дека тој самиот е првиот клиент на картичката, како и дека повеќе копии ќе бидат достапни за помалку од две недели, пренесува „Њузвик“.
Програмата „златна карта“ ќе им овозможи на поединците кои инвестираат 5 милиони долари во американски компании да останат во САД, заменувајќи ја постоечката виза EB-5.
Поддржувачите на оваа мерка на Трамп тврдат дека САД на овој начин би можел да собере значителен капитал, додека критичарите сметаат дека приоритет на Вашингтон треба да биде привлекување квалификувани таленти.
„Златната карта“ е дел од пошироките напори за замена на сегашната имигрантска виза за инвеститори EB-5 со нова програма која дава американско државјанство на странски инвеститори во американски фирми.
Според тековната програма EB-5, апликантите мора да платат помеѓу 100.000 и 200.000 американски долари како такси на Службите за државјанство и имиграција на САД (USCIS), да инвестираат помеѓу 800.000 и 1 милион американски долари и да отворат најмалку 10 работни места за американски работници.
