Според објавата, немилиот настан се случува во скопско училиште. Наставникот го крева ученикот со двете раце од земја и го спушта, на очиглед на другите ученици во паралелката.
Станува збор за училиштето „Панајот Гиновски“ во населбата Бутел 2.
Директорката на училиштето за „Слободен печат“ потврди дека случајот го пријавила во полиција. Наставникот предавал англиски јазик и работел во училиштето повеќе години.
– Не дозволувам насилство во моето училиште. Разговарав и со наставникот. Нема што да признава или да не признава, има видео. Мојата работа ја завршив најодговорно и пријавив во МВР. Родителите на детето се обидов да ги добијам, но биле на пат и не ми одговорија на повикот. Ќе следува дисциплинска комисија. Ученикот е во 7 одделение, а наставникот е по англиски јазик, изјави директорката.
