Телевизија 24 ексклузивно објави кус разговор со Сашо Мијалков снимен пред зградата на Обвинителството за организиран криминал и корупција каде сам се пријави за решението за домашен притвор.
Како што вели тој, утрово дознал дека се бара со потерница бидејќи бил во изолација поради симптоми на коронавирус и имал температура. Повтори дека не е негов стил да бега и нема да избега, а се извинуваше на сите за како што вели непријатноста предизвикана со неговата потрага.
