– Најмалку 32 лица го загубија животот, а 85 се повредени во железничката несреќа што се случи кусо пред полноќ во близина на месноста Темпи кај грчкиот град Лариса, кога од засега непознати причини се судрија товарен и патнички воз.
Спасувачките екипи цела ноќ беа на терен, нивната акција продолжува и утрово, а според официјалните информации од Противпожарната служба на Грција, заклучно со 6.30 часот, бројот на загинати достигна до 32 лица, додека од повредените 85 патници, 53 се хоспитализирани.
🇬🇷 Greece train crash: 8 dead, 65 injured, 25 critically
The collision of passenger and freight trains occurred near the village of Evangelismos near the city of Larisa. In total, there were about 350 passengers in the cars. Rescuers continue to clear the rubble, and 30… https://t.co/7G0iia7AdP pic.twitter.com/pyWinW6PwG
— Donbass Devushka (@PeImeniPusha) March 1, 2023
Причината за несреќата и понатаму е непозната, а како што соопштија од компанијата „Hellenic Train“, возот со околу 350 патници што сообраќал на релација Атина – Солун директно се судрил со товарен воз.
Од директниот судир, вагоните излетале од шините, по што избил и пожар.
Портпаролот на Противпожарната служба на Грција Василиос Ватракојанис утрово соопшти дека акцијата е фокусирана на првите два вагони кои што се превртени, а се интервенира со помош на четири специјални кранови.
Паралелно во тек е и процесот на идентификација на жртвите.