Се ближиме кон празниците, а актерката Скарлет Јохансон веќе има предлог за божествена новогодишна тоалета, и сосема е разбирливо што веќе ја украде претставата и го излуди интернетот.
Некои велат дека холивудската ѕвезда носи дури и најубавата вечерна тоалета што ја виделе, а тоа е сребрен фустан со длабоко деколте што Скарлет го претстави на Инстаграм како дел од новата кампања за нејзиниот бренд за убавина „The Outset“, основан во 2022 година. Станува збор за празнична кампања, во пресрет на претстојните празници, кога сите бараме впечатливо парче во кое ќе привлечеме внимание.
Актерката позира во светкава сребрена креација на Џени Пакам, која вклучува тесен корсет со тенки прерамки украсени со светки и камења, кој го нагласува градите, а во средината на предниот дел има јазол што се спушта по фигурата, нагласувајќи го уште поблескавиот долен дел.
Овој совршен фустан е комбинација од неколку дела, бидејќи има впечатлив вез во средината, а Скарлет го надополни и со празнични, сребрени чевли на платформа.
„Најубавата жена на сите времиња“, „Совршенство“, „Скарлет сјае, особено во овој фустан“, „Фустанот ти стои неверојатно“, „Кралица“… се само дел од воодушевените коментари на интернет.
фото: принтскрин
Текстот (Видео) „Најубавата жена на сите времиња“: Скарлет Јохансон во свечен фустан што го освои интернетот е превземен од МАКФАКС.
