Аманда Сејфрид се појави на 31-то доделување на Critics Choice наградите во Калифорнија и воодушеви многумина со својот гламурозен аутфит.
За оваа пригода, актерката одлучи да носи нежен фустан од „Valentino“ во пастелно розова боја. Фустанот е украсен и со црн корсет кој ја следи линијата на телото, што на целата креација ѝ дава доза на драма.
Дополнително, преголемата темно розова машна дополнително ја нагласи идејата за самата креација – комбинирање на нежни детали и бои со впечатливи, темни нијанси, во овој случај, комбинирање на пастелно розова и црна.
Стајлингот го комплетираше со дијамантски накит од брендот „Tiffany & Co.“, а што се однесува до фризурата, Аманда косата ја фати високо, а тоа само ја нагласи нејзината убавина.
Судејќи според фотографиите, можеме да заклучиме дека личноста која го „одржува“ нејзиното лице одлично си ја врши работата. Иако самата актерка во едно интервју му даде многу пофалби на својот дерматолог.
„Имам добар дерматолог и таа ми рече дека нема да прави ништо освен ботокс на истото место до крајот на животот“, рече еднаш Аманда.
Текстот (Видео) Кој би рекол дека Аманда Сејфрид правела нешто на лицето е превземен од МАКФАКС.
