Илјадници луѓе излегоа на улиците на Софија за да протестираат против буџетскиот план на бугарската влада за следната година, првата во еврото, валутата што земјата ќе ја усвои на 1 јануари.

Некои демонстранти во бугарската престолнина се судрија со полицијата што ги заштитуваше канцелариите на владејачките партии, напаѓајќи ги безбедносните сили со камења, шишиња и пиротехнички средства.

Опозицијата и други организации изразија незадоволство од буџетот поради најавените зголемувања на придонесите за социјално осигурување и даноците на дивиденда за финансирање, како што велат, на повисоките државни трошоци и корупцијата.

Околу половина од Бугарите се противат на воведувањето на еврото, тврдејќи дека тоа ќе го загрози суверенитетот на земјата и дека ќе го искористат преминот кон друга валута за да ги зголемат цените.

Претседателката на Европската централна банка, Кристин Лагард, исто така, неодамна предупреди дека инфлацијата во Бугарија може да се зголеми откако ќе се приклучи на еврозоната, објави Ројтерс.

Текстот (Видео) Илјадници протестираа против владата во Бугарија, луѓето се судрија со полицијата е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ