Албанските опозиционери прашуваат дали тоа што лидерот на ДУИ во дел од вчерашното интервју за „360 степени“ говореше и на македонски јазик, е за да им се допадне на опозициските ВМРО-ДПМНЕ и Левица, а како што велат, „низ вода да го пушти СДСМ“
„После вчерашното интервју на Али Ахмети каде се мачеше да покаже дека знае македонски јазик, сакаме да го соопштиме следното:
Mожеби е време за следната теза – ДУИ го пушта СДСМ низ вода и почнува кампања за да им се допадне на Левица и ВМРО-ДПМНЕ“ велат од Здружаната албанска опозиција во која се партиите Алтернатива и Демократско движење, како и Движењето БЕСА.
„Дали заштитата на нелегално стекнатиот имот на првенците на ДУИ им е помил од почетокот на ЕУ преговорите? Што е следно, екипата околу Ахмети да станат комити? Наградното прашање е дали Ахмети ќе зборуваше македонски ако не се здружеше албанската опозиција?“ прашуваат опозиционерите.
