Фудбалерите на Арсенал се поразени на гостувањето кај Саутемптон со конечен резултат 1:0 во 1/16 финалето од ФА купот. Така, играчите на Микел Артета нема да ја бранат титулата во ова натпреварување освоена минатата сезона.
Единствениот гол беше постигнат во 24 минута, кога Габриел го совлада сопствениот голман, Бернд Лено. Кајл Вокер-Питерс помина по десната страна, центрираше, а потоа Габриел невнимателно реагираше и ја испрати топката во својата мрежа.
Саутемптон беше многу подобар ривал во првото полувреме, а првата шанса ја имаше шреку Ворд-Праус кој од корнер ја погоди пречката.
„Топчиите“ во понатамошниот дел од мечот се обидуваа да дојдат барем до продолжение, но не успеаја да создадат многу прилики за реализација. Најдобрата можност ја имаше Едвард Нкетиа во 68 минута од средбата.
„Светците“ во осминафиналната фаза ќе се сретнат со Вулверхемптон.
