Пејачката Карди Би знае да изненади со своите модни комбинации, а последната од нив привлече големо внимание. Во недостаток на црвени теписи и гламурозни забави, Карди ја искористи можноста да оди на шопинг во необичен фустан потпишан од Пјер-Луи Оврај. Сигурно многумина се свртеле откако 28-годишната музичарка прошитала во Беверли Хилс во тоа што одбрала да го носи.
Карди отишла на шопинг со сопругот Офсет, со кого неодамна се смири и го повлече барањето за развод во тесен проѕирен фустан со необичен дизајн. Проѕирниот материјал ги откри и нејзините тетоважи, а необичниот вез на страните и околу вратот дополнително го истакна необичниот крој на фустанот. Таа дури комбинираше заштитна маска за лице со својот стајлинг, а на нозете имаше црвени потпетици.
Пејачката минатата година поднесе барање за развод од раперот со кого ја има ќерката Култура Кијара Цефус, за да го повлече само два месеци подоцна. Ова не беше прв пат Карди да се премислува за врската со Офсет. Во декември 2018 година, Карди раскина со Офсет, па се предомисли два месеца подоцна.
Тие се во брак три години, а Карди сакаше да се разведе со Офсет поради нивните постојани расправии.
