Дури 56,7 проценти од испитаниците кои имаат пост-ковид симптоми го подобриле своето здравје по вакцинирањето, покажува новото истражување спроведено во Велика Британија, кое го пренесува британски „Гардијан“.
Оваа студија, која допрва треба да се разгледува, беше спроведена на примерок од 812 луѓе кои имале несакани симптоми долго откако страдале од инфекција на ковид 19. Податоците покажаа дека дури 56,7 проценти од испитаниците имале општо подобрување на симптомите, во 24,6 проценти состојбата останала непроменета, додека 18,7 проценти пријавиле влошување на симптомите.
Oвие податоци, како што објави „Гардијан“, не можат дефинитивно да докажат дека вакцината довела до подобрување на симптомите кај испитаниците, но резултатите се охрабрувачки.
– Кај 130 лица од анкетата кои примиле обете дози на вакцината, симптомите се подобриле по првата доза, а потоа симптомите повторно се влошиле. По втората доза на вакцина, повторно дојде до подобрување – изјави д-р Дејвид Стрин, еден од авторите на студијата и виш клинички предавач на Медицинскиот факултет на Универзитетот во Ектер.
Д-р Дани Алтман, професор по имунологија на Империјал колеџ во Лондон, рече дека една од причините за подобрување на симптомите по вакцинирањето може да биде тоа што пациентите со продолжени симптоми на ковид, се уште имаат траги на вирусот во организмот, а вакцината е организам опремен со имунолошки одговор на тоа.
Вакцината за коронавирус е од неизмерна важност за запирање на пандемијата, но ќе биде потребно многу време да се утврди дали има ефекти во лекувањето на пациенти кои имаат пос-ковид симптоми.
