Турската поетеса и писателка од Северна Македонија, Лејла Шериф Емин, е избрана за потпретседател на Сојузот на жени поетеси од Турскиот свет.
Сојузот, кој е основан на принципот на волонтерство, ги обедини поетесите од различни земји на турскиот свет.
За претседател е избрана поетесата, писателка и општествена активистка од Азербејџан, Хураман Мурадова, а за потпретседатели ќе служат Инџи Окумуш од Турција и Лејла Шериф Емин од Северна Македонија. Дополнително ќе бидат назначени потпретседатели и од Узбекистан и другите турски држави.
Основната цел на Сојузот е да ги промовира делата на жените поетеси од турскиот свет, да гради книжевни и културни мостови, да им дава поддршка на младите поети и преку поезијата да го зајакнува единството и соработката во турскиот свет.
– „Овој пат од Турскиот свет до Балканот, нека биде со среќа и бериќет за сите“
Турската поетеса и писателка од Скопје, воедно и главна уредничка на списанието „Кёпрү“, Лејла Шериф Емин, на своите социјални мрежи изјави:
„Со голема благодарност ја прифатив функцијата потпретседател на Сојузот на жени поетеси од Турскиот свет. Му се заблагодарувам на претседателот на Фондацијата г. Серхат Кабакли и на управата за укажаната доверба…
Под оваа заедничка покривка која ги обединува женските пера на турскиот свет, сакам зборот и поезијата да станат мостови, патиштата да се поврзат со патишта, границите во нашата духовна географија да се надминат преку поезија, да делуваме заеднички и да создадеме колективна меморија…
Нека ова патување од Турскиот свет преку Турција, па сè до Балканот, биде со среќа и бериќет за сите
