Тринаесет лица се повредени во директен судир на две патнички возила со струмички регистарски ознаки, што се случил вчера попладне 16:20 часот на патот Струмица-Валандово, на превојот Валандовски Рид.
Веста ја потврди портпаролката на СВР Струмица, Александра Трајанова, која информираше дека имало повеќе повредени лица кои се пренесени на лекување во болницата во Струмица.
Според информациите од директорката на струмичката болница, Катерина Кузмановска, едно дете на шестгодишна возраст и една жена се со потешки повреди и се пренесени на понатамошно лекување во Клиничкиот центар во Скопје, додека останатите се со полесни повреди и се на лекување во Струмица.
Во извлекувањето на повредените учествувало и противпожарно возило, а екипа на полицијата извршила увид.
