Заменик-градоначалникот на опколениот град Мариупол во јужна Украина изјави за Би-Би-Си дека три лица, вклучително и едно дете, биле убиени кога Русија бомбардирала породилиште.
Најмалку седумнаесет други, наводно, биле повредени, меѓу кои имало и бремени жени.
„Апсолутно сум сигурен дека знаат за оваа установа и ова е нивна трета болница што ја уништуваат во овој град“, изјави Сергеј Орлов за Би-Би-Си.
Тој рече дека болницата со 300 кревети посветена на лекување на пациенти со Ковид била уништена со артилериско гранатирање претходниот ден, заедно со центарот за собирање крв во Мариупол.
„Апсолутно сум сигурен (ова се нивни) цели“, додаде Орлов.
Светската здравствена организација вели дека е потврдена најмалку 18 различни напади врз здравствени установи во Украина од почетокот на инвазијата.
Русија инсистира на тоа дека украинските борци ги преселиле персоналот и пациентите од болницата и таму поставиле позиции за стрелање.
Украинскиот претседател Володимир Зеленски ја обвини Русија за воено злосторство.
