Новоизбраниот претседател на Соединетите Американски Држави (САД) Доналд Трамп денеска соопшти дека го избрал поранешниот вршител на должноста јавен обвинител Метју Витакер за нов амбасадор на САД во НАТО.
„Мет е силен воин и лојален патриот кој ќе обезбеди унапредување и одбрана на интересите на Соединетите држави“, се вели во соопштението на Трамп.
Тој додаде дека неговиот избор ќе ги зајакне односите на САД со сојузниците во НАТО.
„Тој ќе ја стави Америка на прво место“, рече Трамп.
Витакер служеше како вршител на должноста обвинител на САД од ноември 2018 до февруари 2019 година. Тој беше началник на кабинетот на државниот обвинител Џеф Сешнс.
