По одлуката на Уставниот суд, функционерите ќе земаат и по 1000 евра повисоки плати, а најголемото покачување овој месец ќе имаат претседателот Стево Пендаровски, спикерот Талат Џафери и премиерот Димитар Ковачевски, пренесува Канал 5 во својата анализа.
-Според новите пресметки, со зголемувањето, собранискиот спикер ќе биде политичарот со највисока плата од 166.000 денари, 1500 денари повеќе од шефот на државата поради минат труд. Месечната плата на премиерот Ковачевски ќе изнесува 156.000 денари или повеќе од 2500 евра. На сметките на вицепремиерите, пак, ќе легнат суми од 122.000 до 129.000 денари, анализира Канал 5.
