Поминаа точно 30 години од светската премиера на култниот филм во режија на Ридли Скот, кој преку ноќ постигна неверојатен успех и им донесе слава на актерките Џина Дејвис (Телма) и Сузан Сарандон (Луиз).
Тој ја раскажува приказната за двете пријателки кои заминуваат во Мексико, откако Луиз ќе го убие мажот кој ќе се обиде да ја силува Телма. Но, она по што сите го паметат филмот е драматичниот крај, кога тие двете опколени од полицијата, наместо да се предадат, со автомобилот возат кон провалијата во Гранд Кањон.
Додека се држат за рака, автомобилот лета над провалијата, екранот станува бел и тоа е тоа. Сега по 30 години објавено е ексклузивно дивиди со последната сцена, која тогаш била избришана. Имено во неа се гледа како тие две летаат во провалијата и потоа се гледа во далечина автомобилот како вози по правливиот пат, што симболично се прикажува „продолжувањето“ на нивниот заеднички пат, наместо невообичаено преживување.
Ридли Скот за причината за бришењето на сцената изјави дека едноставно сакал тој да ја има контролата над крајот од филмот. Инаку првично во план било Луиз да ја турне Телма од автомобилот и така да ја спаси, но, подоцна се решиле за поинаков крај.
