Венера, планетата што го опишува начинот на кој сакаме, ги напушта Близнаците на 31 јули и влегува во Рак, каде што ќе донесе интересни средби за Раковите, Рибите и Шкорпиите.
Венера во Рак носи длабока емоционалност, нежност и потреба за сигурност во љубовта. Луѓето со оваа позиција на Венера се многу грижливи, лојални и често сакаат да изградат врска што наликува на семејство. Планетата на љубовта ќе остане во Рак до 25 август.
Тие имаат силна потреба да сакаат и да бидат сакани, и често ја поврзуваат љубовта со домот, топлината и спомените од минатото. Нивните чувства се интензивни, но често скриени под површината затоа што се плашат да не бидат повредени.
Кога сакаат, тоа го прават искрено и посветено, а нивната наклонетост се изразува преку грижа, внимание и создавање удобна атмосфера.
Тие се многу интуитивни и лесно ги препознаваат емоциите на другите, што ги прави сочувствителни партнери. Во врските, тие бараат стабилност, емоционална сигурност и верност. Можат да бидат носталгични и приврзани кон минатото, понекогаш премногу, што може да ги направи ранливи ако не научиле емоционално да се заштитат.
Венера во Рак сака подлабока врска и не е задоволна со површни врски. На овие знаци им е потребно чувство на припадност за љубовта да цвета.
Текстот Tри хороскопски знаци ќе имаат судбоносна средба до 25 август – Венера влегува во Рак е превземен од МАКФАКС.
