Светската здравствена организација (СЗО) предвидува дека „Делта“ сојот на коронавирус, кој е позаразен и одговара за повеќе од три четвртини од новите случаи на инфекција, ќе биде доминантен во многу земји во наредните месеци, објави денеска организацијата.
Оваа варијанта, која за прв пат се појави во Индија, сега е присутна во 124 земји и територии, додека алфа сојот од Велика Британија е присутен во 180 земји, бета сојот од Јужна Африка во 130 и гама сојот од Бразил во 78 земји.
СЗО предвидува дека делтата Делта брзо ќе ги надмине другите варијанти на коронавирусите и ќе биде доминантна варијанта во наредните месеци.
Организацијата предвидува и дека бројот на заболени од коронавирус ќе надмине 200 милиони во следните недели.
Причините наведени од СЗО се соеви на вирус што се пренесуваат побрзо, укинување на мерките против епидемијата, поголема социјална интеракција и недоволен број на вакцинирани.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
