Во саботата наутро, Петко Русанов и група познаници отпатуваа во Република Северна Македонија на прослава за Гоце Делчев. Во 11 часот се на граница, гледаат колона од автомобили и разбираат дека има дефект во системот, објави БТВ новините.
-По нашите повеќекратни обиди да го повикаме началникот на контролниот пункт да дојде кај нас, тој испрати кордон гранични полицајци да ни го запрат движењето. Полицајците се однесуваа многу грубо, почнаа да не туркаат, принудувајќи не да влеземе во автомобилите, раскажува Русанов, за БТВ новините.
Според него, друг Бугарин упатил груби навреди кон органите на прогонот.
-Ова ја зголеми тензијата. Откако нашиот сонародник излезе од автомобилот и беше внесен внатре, побарав објаснување од полицајците. Без да сфатам, ме фатија од двете страни и ме внесоа внатре, како и другите двајца – Адријан и Ангел. Прилично грубо не вовлекоа внатре. Ме тепаа, полицајците од станицата скокнаа да ме тепаат по грб и ме одведоа во една од собите и ме заклучија со лисици и ме натераа да стојам со грб до шкаф како казна за „премногу зборување“. Побарав врска со бугарскиот началник, од што добив шлаканица од началникот на граничната станица, кој ми рече дека немам такво право“, продолжи приведениот Бугарин.
Петко добил документи дека му биле прочитани правата, дека сведочел, но одбил да потпише. Му земале примерок од алкохол и по 3-4 часа со полициско возило биле пренесени во Крива Паланка. Таму по брзата постапка им е изречена казна од 300 евра и тригодишна забрана за влез во Македонија.
Основа на казната – одбивање да влезе во автомобилите на граница, навреди, непочитување на Република Северна Македонија и предизвикани нарушувања.
