Ѕвездата на Манчестер Сити, Бенџамин Менди (27) денеска се појави на суд под обвинение за силување.
Францускиот дефанзивец се соочува со обвиненија за силување на четири девојки. Три наводни силувања се случија во октомври минатата година, а четвртото минатиот месец.
Менди претходно ги негираше сите обвинувања за силување, а на денешното рочиште беше одлучено фудбалерот на Сити да остане во затвор до судењето.
Судењето треба да започне на 24 јануари 2022 година. Се очекува да трае најмалку 20 дена и Менди ќе остане зад решетки во наредните месеци.
Доколку биде прогласен за виновен, францускиот фудбалер ќе се соочи со долгогодишна затворска казна и неговата кариера сигурно ќе заврши.
Самите обвинувања за силување многу ќе влијаат врз неговата иднина и тој лесно може да добие отказ во Сити.
