Портпаролот на ВМРО-ДПМНЕ, Наум Стоилковски до министерот за внатрешни работи Оливер Спасовски испрати три конкретни прашња.
Тој на прес конференцијата изјави:
Oчигледно на Оливер Спасовски му е мака да одговори на едноставни прашања од опозицијата, па дополнително ќе му ги олеснам.
Директно барам одговор од МВР,
1. Дали лицето Шукри Асани од Ласкарци со определен ЕМБГ поседува одобрение за оружје, издадено од првостепена комисија на МВР предводена од Музафер Каришиќ?
2. Дали на име Шукри Асани со истиот ЕМБГ од првото прашање во МВР е регистриран пиштол марка Глок, калибар 9 милиметри?
3. Дали за Шукри Асани со истиот ЕМБГ од првото прашање има полициско досие, или е замешан во најмалку еден случај „предизвикување на општа опасност” кога било употребено и огнено оружје?
И четврто дали лицето Шукри Асани, со ист ЕМБГ од првото прашање, е дел од списокот лица за проверки од планот Безбеден град?
Апелирам до медиумите во интерес на јавноста, истиве прашања, доколку МВР не одговори конкретно, редовно да ги поставуваат до МВР, Спасовски, Тасевски, било кој од МВР што ќе излезе во јавност.
Ова е важно, бидејќи конкретните точни одговори, ќе значат дека МВР издава одобренија на регистрирани криминалци од листата Безбеден град, дека комисијата составена од Оливер Спасовски водена од Музафер Каришиќ дава одобренија на луѓе за коишто има законски пречки за тоа, и најважно, дека Оливер Спасовски крие, стои зад вооружувањето, и ја мами јавноста за тоа!
Оливер Спасовски со само овие 4 куси точни одговори ќе мора да замине од министерството и да ги даде сите други одговори по коишто ќе следи одговорност!

Портпаролот на ВМРО-ДПМНЕ, Наум Стоилковски одговарајќи на новинарско прашање во однос на проблемот на околу 140 медицински сестри и другиот здравствен персонал во Здравствениот дом во Скопје, коишто повеќе од два и пол месеци немаат земено плата, работат без осигурување и без решенија за вработување истакна дека нема лекови, нема услови, нема пари за персонал, нема здравство, затоа што власта е концентрирана на криминал а сето ова мора да запре и затоа потребни се избори и нова постава која што ќе ги решава проблемите.

„Почитувани очигледно дека власта не дава пари за ништо во врска со здравството, или било што од интерес на граѓаните, за да има пари за криминал! Наместо да размислуваат за овие 140  медицински сестри и друг здравствен  персонал во Здравствениот дом во Скопје, наместо да трчаат по лекови за пациенти, тие мислат како да наместат тендер од 22 милиони евра! Во меѓувреме пациент умре излажан дека ќе добие лек „Трикафта“, нема лекови за пациентите со малигни заболувања. Нема континуитет во обезбедувањето инсулин и ленти за дијабетичарите. Немаше од основниот лек „Декортин“ потребен за низа заболувања, лек со незначителна цена и кој е на позитивна листа, па пациентите го купуваа во Србија или Косово. Нема реагенси во Институтот за јавно здравје, па пациенти одат во приватни институции. Нема лекови за невролошки пациенти на Клиниката за неврологија од каде доаѓа и новиот министер. Нема лекови, нема услови, нема пари за персонал, нема здравство, затоа што се концентрирани на криминал! Ова е срамно Македонија ќе остане без јавно здравство, доктори и персоналот ќе се иселуваат, заради тоа ова мора да сопре. Да сакаа до сега и да знаеја ќе го решеа проблемот но затоа мора избори и нова постава која што ќе го надмине проблемот“, нагласи Стоилковски.

ПОВРЗАНИ НАПИСИПОВЕЌЕ ОД АВТОРОТ