Министерот за одбрана Владо Мисајловски денеска остварил средба со амбасадорот на Австријал Мартин Памер, заменик шефот на Мисијата, Матијас Хуменберге, новопоставеното и досегашното одбранбено аташе на Австрија, полковник Кристијан Тесар и полковник Кристијан Смутек, информираа денеска од Министерството за одбрана.
Министерот Мисајловски на средбата изразил благодарност за одлична соработка со досегашното одбранбено аташе полковник Смутек и му посакал добредојде и успешна соработка на новопоставеното аташе, полковникот Тесар.
На средбата била потврдена одличната одбранбена билатерална соработка со Австрија и можностите за нејзино унапредување во областа на логистиката, справувањето со кризните состојби, воената обука и образование, курсевите за операции за одржување на мирот и други области.
