Актерот Никола Којо рече дека дошол на протестот „Србија против насилството“ затоа што е против насилството во секоја смисла се случува повеќе од 30 години, особено откако „дотичниот господин е на власт“. Тој посочи дека доаѓањето на протестот не е прашање на пари, туку дека овде е во прашање радоста и дека е убеден дека тоа се причините поради кои доаѓале луѓето.
„Овој човек успеа да ја украде радоста со неговиот мрак што се шири околу него и неговата интересна група. Украде пари и можеби ќе одговара за тоа, но ја украде радоста“, изјави актерот Никола Којо за телевизијата N1.
Запрашан за денешната изјава на претседателот Александар Вучиќ дека актерите не треба да зборуваат за диктаторскиот режим во Србија, бидејќи доколку режимот беше диктаторски немаше да имаат можност ниту да заработат пари, Којо рече дека таа изјава не ја слушнал.
На прашањето за вчерашниот митинг организиран од СНС на Вучиќ, вели дека поделеноста во општеството се намалува и дека тоа се гледа во луѓето кои бегаа од митингот. Тој додава дека овие луѓе се свесни дека така ги заработуваат своите две илјади динари.
-Жал ми е што не се вразумуваат и не размислуваат кога таа паричка ќе им дојде во раце, кој им платил за тоа. Лично некој или од даноци или од задолжување, праша Којо.
Овој негов одговор доаѓа по информациите дека освен бесплатни сендвичи, вода, и бесплатен превоз, на дел од учесниците на вчерашниот митинг на Вучиќ им било плаќано по 2000 српски динари за да дојдат на митингот.
Инаку, во Србија се одржува протест против насилството, на кој излегоа илјадници граѓани од Белград, но и другите градови на државата.
