Моќниот тајфун Непартак, кој се формира во Тихиот Океан, продолжува да се движи кон Јапонија и во среда наутро по локално време ќе го погоди североисточниот дел на главниот остров Хоншу, јавија западни медиуми, повикувајќи се на Националната метеоролошка управа на Јапонија.
Брзината на ветерот во централниот дел на тајфунот ќе достигне 20 метри во секунда, а налетите на ветрот ќе изнесуваат до 30-35 метри во секунда.
Непартак сега е на 230 километри југоисточно од соседната префектура Чиба во Токио и се движи северо-источно, каде се наоѓаат префектурите Фукушима, Мијаги и Ивате. Локалното население е предупредено за опасност од излевање на реките и формирање свлечишта.
Поради оваа природна непогода, некои од настаните на Олимписките игри во Токио беа преместени за друг датум.
