Северина веќе неколку месеци е во родната Хрватска, од каде редовно објавува фотографии на нејзиниот инстаграм – профил, а со својата последна објава само уште еднаш ја потврди титулата модна икона.
Имено, популарната пејачка избра впечатлива лежерна комбинација за прошетка покрај сплитскиот брег.
Таа овој пат се одлучи за бели панталони со разнобоен џемпер во риги, а комбинацијата ја надополни со крзнени нараквици, очила и дизајнерска чанта со мотив „Бамби“, со потпис на модната куќа „Живанши“.
Се вели дека нејзиниот избор е „must have“ капут, кој е задолжително модно парче за сите дами кои ги следат трендовите, а инаку се смета за модна класика.
А, кога станува збор за обувки, Северина никогаш не разочарува, а оваа комбинација ја надополни со црни војнички чизми, кои се сметаат за тренд број еден оваа сезона.
Иако фановите беа љубопитни, Северина не откри со кого го поминува времето во Сплит.
