Земјотрес со јачина од 4,7 степени ја погоди централна Турција, објави Агенцијата за управување со катастрофи и вонредни состојби (АФАД).
АФАД на својата официјална веб-страница објави дека земјотресот се случил во 18.51 часот по локално време во областа Тузлукчу. Земјотресот бил на длабочина од седум километри.
„Досега не се пријавени жртви“, напиша министерот за внатрешни работи, Сулејман Сојлу, на „Твитер“.
Во истата област биле регистрирани уште два земјотреса со јачина од 4 степени во 18.52 часот и од 4,1 степени во 18.33 часот.
