Фудбалерот на Манчестер сити, Серхио Агуеро е уверен дека ќе го напушти англискиот клуб во летниот преоден рок, пренесува „АС“.
Според шпанскиот весник, тренерот на „граѓаните“ Хосеп Гвардиола најверојатно ќе го стави Аргентинецот на трансфер листата. Агуеро е вознемирен од оваа опција. На фудбалерот не му е јасно зошто шпанскиот специјалист се повеќе го остава на клупата. Беше објавено дека Гвардиола сака да го види напаѓачот на Атлетико, Жоао Феликс во Манчестер сити.
На 10 март, тренерот објави дека договорот на Агуеро ќе се дискутира на крајот на сезоната. Во сезоната 2020/21, Агуеро забележа 11 настапи за Манчестер сити, постигнувајќи два гола.
Договорот на 32-годишниот Аргентинец важи до крајот на јуни 2021 година. Според информациите тој би можел да продолжи во Барселона, кај неговиот добар пријател Лионел Меси кој со раководството разговара за негово ангажирање.
