Ќе се олесни слободното движење на граѓаните во Албанија и Косово а граничните контроли ќе бидат отстранети, изјави албанскиот министер за внатрешни работи Бледар Чучи.
Министерот на албанската полиција рече дека во соработка со неговиот колега од Приштина Џељај Свечља на граничните пунктови ќе бидат поставени камери кои ќе служат за следење на влезовите и излезите.
Според Цучи, иако тоа не е дел од денешните договори, тоа го побарале и албанскиот премиер Еди Рама и премиерот на привремените институции во Приштина, Албин Курти на нивната последна средба.
„Нема да ја чекаме летната сезона за да ја олесниме слободната циркулација на луѓето, особено на главните гранични премини“, рече албанскиот министер.
Камерите автоматски ќе ги регистрираат регистерските таблички на автомобилите што ја минуваат границата без потреба од службеници да го проверуваат секој возач.
Министерот појасни и дека во деновите со голем наплив, како што е свеченоста од 28 до 29 ноември, било советувано од двете страни на границата да се прекинат сите контроли и моторните возила да се пропуштаат без застанување.
“Верувам дека сме на вистинскиот пат за да почнете да доживуваме полесно промет, без да се гледа како две различни земји”, рече Чучи, како што е соопштено од страна на албанските Еуроњус.
