Соединетите Држави изразија загриженост откако Талибанците ја претставија новата, авганистанска влада составена исклучиво од машки членови и со луѓе поврзани со напади врз американските сили.
Advertisements
Времениот кабинет е предводен од Мула Мохамад Хасан Ахунд, кој е на црната листа на Обединетите нации. Федералното истражно биро на САД (ФБИ) пак, бара друго лице, Сирајдин Хакани. Исламистичката група ја презеде контролата врз Авганистан во сеопфатна офанзива пред повеќе од три недели. Оттогаш, жените демонстрираат против овие исламисти.
Иако милитантите негираат дека користат насилство врз нив, нивната влада се соочува со тешки предизвици во земјата погодена од конфликтот, вклучително и стабилизирање на економијата и добивање меѓународно признание. Групата претходно изјави дека сака да формира инклузивна влада.
