Денеска, вршителот на работите во Амбасадата на Република Северна Македонија во Москва, Оливера Чаушевска Димовска беше повикана во Министерството за надворешни работи на Руската Федерација, каде и беше врачена Нота за прогласување персона нон грата на наш дипломат – втор секретар.
-Одлуката на руското министерство за надворешни работи, за протерување на дипломатот кој неодамна беше делегиран во Руската Федерација, преставува возвратна политичка одлука без никаков мериторен основ. За претходното протерување на рускиот дипломат од Северна Македонија беа доставени евидентирани докази за негово дејствување во спротивност на Виенската конвенција за дипломатски односи. Оттука, денешниот потег на руската страна е во целост неоснован и негативно ќе се одрази на обидите за унапредување на односите меѓу двете земји, велат од македонското МНР.
Во амбасадата во Москва останува да ги обавува своите обврски вршителот на работите, а наскоро ќе биде упатен и новиот Амбасадор акредитиран за Руската Федерација кој ги помина сите чекори за упатување.
Од руското МНР велат одлуката ја донеле поради неосновата одлука на македонското МНР пред извесно време да протера руски дипломат од Северна Македонија.
⚡ На 4 октомври, в.д. амбасадор на 🇲🇰 во 🇷🇺 Оливера Чаушевска-Димовска беше поканета во МНР на 🇷🇺, каде ѝ беше врачена нота на Министерството, со која вработен во Амбасадата на 🇲🇰 во Москва се прогласува за „персона нон грата“https://t.co/ZHKg2PUjyu pic.twitter.com/2LMsX8ia6S
— Посольство России МК (@Russian_Emb_MKD) October 4, 2021
